بلدنا الغالية

موضوع: بلدنا الغالية الجمعة فبراير 05, 2010 1:41 am

بلدنا الغالية

يابلدنا ياغالية لولاكى ............. الكاس مابقت ملاكى
دايما عايشين بدعاكى ........... نصرنا نور فى سماكى

ده شحاته ملك الشطار .......... ماهو من كفر الدوار
عارف كل الاسرار ............. حول الليل لنهار

أفيال واسود وسناجب ........... ونسور ولا حتى تعالب
ده فريقنا ده هو الغالب .......... بأداء موجب مش سالب

ماهو اصل اللى اختشوماتو ...... بيهاجمو عيسى حياتو
ده كلامهم زى ســكاتو ........... وفى هم وغم أهو باتو

كوفى كودجا ده ابن الايــه ........ عـايزين آل ايدى ماييه
دى كورتنا دى رقص باليه ........ مش جودو ولا كاراتيه

فى القارة غيرنا مافيش ........... ولا ايتــو ولا حليـــش
ولا ميت ظابط وشـاويش ............ جدو حطها بشويش

الحضرى ده حصن امان .......... فتح الله وجمعة كمان
ده متعب ساحـــر فنان ............ ومعـــوض وايا زيدان

وعميدنا الكابتن حسن ............. قائد كل الجدعـــــان
اصـــرار وعزيمة وحزم ........ أحسن من ميت ربان

ده شحاته عبقرى تدريب ..... ومساعده شوقى غريب
فتحوا كل الســــــراديب ...... انقضـوا ديب ورا ديب
حطوا الكل فى الجــيب ...... بطولات مالية الدواليب

دول احفاد الفراعــــين ....... طبعا من النيل شاربين
راضيين شاكرين حامدين .... دول منتخب الساجدين

عروبتنا دى مافيها شــك .... من غير أشعار ولا لك
ده رباط عمره ماينفـك ..... ما احنا اللى كتبنا الصك